Jeana僭建胸反地心吸力

失戀o靚模何佩瑜（Jeana）寄情工作，出席NBA活動時不但扮禮物露底贈興，為學公牛隊球星低位運球，她俯身時人造胸紋風不動，自製反地心吸力超自然現象！

自與圍村「有米」男友分手後，形單影隻的Jeana索性在平安夜密密吸金，她昨日出席now TV NBA活動時，躲藏在禮物盒十分鐘後突然彈出，彈起身時除不慎露底褲邊外，還拿籃球左拍右拍，相當興奮。

Jeana雖然身穿戴歷路斯波衫，可惜動作生硬，反被籃球帶着走。未知主持人徐嘉樂是否有意整蠱，還着Jeana學戴歷路斯低位運球，她俯身時雙峰即時彈出，離奇是巨胸反地心吸力紋風不動，蔚為奇觀。

聖誕夜場打獵

接受訪問時，Jeana笑言冇學過低位運球，做不到主持要求：「千祈唔好畀個球星見到呀！唔係畀佢笑死！」提到從禮物盒彈出，問到有否試過這樣扮禮物送給人？她說：「冇喺個盒彈出嚟！不過就將自己扮成禮物，紮咗個蝴蝶結喺心口送畀男友囉！」提起打波，讀女校出身的她講出一段昔日的斷背經歷：「嗰時喺學校見啲師姐打波，我都有送花畀佢哋同等放學o架！」她又透露聖誕節很寂寞，坦言會到夜場「打獵」。

此外，有報道指隆胸可致癌，Jeana並沒有擔心，她笑說：「我都有聽過，不過都係發生喺歐洲，我用美國技術！」她又表示不排除日後拆彈，做回真我。