約四太食聖誕大餐 賭王笑騎騎
昨日平安夜，賭王何鴻燊與四太梁安琪及仔女猷君、超欣食聖誕大餐慶祝，共享天倫樂！昨午約三時，四太與細女超欣先到銅鑼灣Cova餐廳，約十五分鐘後，坐在輪椅上的賭王由看護陪同下抵達，精神奕奕兼笑容滿面，餐廳侍應向他說：「聖誕快樂！」賭王笑着點頭。約一小時後，賭王先行離開，見記者影相時還笑一笑，十分精靈！其後，猷君與超欣離開，手上拿着紅色利是封的猷君，離開時已急不及待拆開，裏面放了幾張看似是聖誕禮券，他隨即與超欣分享，之後步行到扶手電梯，齊齊Shopping。
記者致電四太，她表示與賭王食聖誕餐，大女超盈因身在美國未能一同慶祝：「超盈之前同超欣一齊去美國玩，本來一齊返，但佢有朋友去，所以留多幾日。（猷君離開時手上攞住好似禮券嘅嘢，係咪聖誕禮物？）係Auntie送畀佢哋。（你送乜聖誕禮物畀何生？）送咗自己畀佢。」
賭王笑笑口到場，心情相當靚！
四太悉心打扮陪賭王食大餐。
猷君收到大利是，帶妹妹超欣去行街街。