吳卓羲上咗好多課
無綫小生吳卓羲（Ron）日前與出爐港姐朱晨麗冒寒拍攝新劇《名媛望族》，劇情講述二人是青梅竹馬但沒有血緣關係的兄妹，原本一起逛巿集，但Ron因要幫朋友兼睇「花姑娘」而撇下晨麗，令她嬲爆爆！Ron透露因馬國明介入，令他與晨麗的親情「激發」成愛情，譜出三角關係。
問到有否奪得「處女朱」的螢幕初吻？他拒露「緣機」：「晨麗會同馬國明結婚，應該佢多啲喎，結婚點都要咀啦！又可能獻畀松哥（劉松仁）呢！」他又踢爆晨麗經常趁午飯時刨劇本，相當勤力！談到緋聞女友張馨予頻爆是非，Ron說：「唔諗太多喇！（上咗一課？）我入行咁多年，上咗好多課啦！」
朱晨麗的民初扮相與當家花旦陳法拉九成似，當選不久即與小生吳卓羲演對手戲。