粉絲好友致賀 Kay向黃貫中催婚
世榮後日於北京與女友拉埋天窗，不少圈中好友及星級粉絲紛紛致賀，身為Beyond粉絲的謝安琪（Kay）說：「我收唔到消息，不過梗係恭喜佢啦！祝佢新婚美滿，依家只剩阿Paul未結婚，希望佢都努力啦！」她更希望Beyond三子再搞音樂會，為粉絲帶來耳福。
至於官恩娜則說：「祝世榮新婚快樂！今年好多圈中人結婚，每次聽到婚訊都會戥一對新人開心！之前未聽過世榮結婚，工作上見到都會打招呼，唔會問私人事！」而Band友雷有輝表示恭喜：「我哋好少見，只係有幾次返內地做騷喺火車站見到，但冇靚女同佢一齊喎！我知佢喺內地發展得好好，有開公司添！結婚咪正囉！踏入人生另一階段，祝佢早日生B！」
Kay祝福世榮之餘，更希望Beyond再開騷。
朱茵與黃貫中拍拖多年，係時候加快腳步喇！
官恩娜祝一對新人新婚愉快。