KiKi Twiggy過節各自精彩

外形一冷一熱的模界新人Twiggy（周雪麗）及KiKi（譚淇淇），各有慶祝聖誕節的妙法。曾參演不少MV的Twiggy個性文靜，不喜歡出街跟人逼，寧願與家人及朋友在家中交換禮物：「我會叫埋朋友嚟我屋企燒嘢食。（同男友過？）佢去咗外國讀書，所以冇得浪漫，我哋講好唔使破費送禮，Send句祝福短訊就夠喇！」活潑好動的KiKi則表示，平安夜會跟好友開P玩個夠：「我哋成班相熟朋友包場玩，會飲酒但唔會醉，好安全！」細心的她曾為好友親手炮製禮物，一次過送上20份禮物，認真大手筆！

KiKi（左）及Twiggy性格不同，但面對聖誕樹一樣童心未泯。

Twiggy愛留在家中度聖誕，KiKi則喜歡開P。