張繼聰末日前 玩「變節」

歌手張繼聰以「四條A」幕後班底炮製五次元新思維專輯，他在過程中重新認識自己之餘，更稱四子擦出曖昧愛火！

有預言指2012年是世界末日，對此張繼聰（Louis）偏偏唱反調，將五次元新思維滲入音樂，推出新碟《5+》，唱出其信念中一個滿布愛與分享的新時代：「研究咗五次元好耐，自己唔信有末日，相信人類會進入一個新紀元。（靠音樂宣揚？）又唔可以咁講，只係想以音樂提供一啲知識畀有興趣嘅人。」為尋知音，他更將唱片背後的鳴謝名單變成有關五次元書籍註解。

從天主教徒變成提倡五次元新思維，對於「變節」決定，問到有否擔心被抨擊，Louis說：「冇擔心過畀人話，依家有時都會返教會，我相信每個信仰出發點都係愛，五次元只係改變嘅導火線啫！」

暗生曖昧「愛火」

至於《5+》的音樂創作，Louis找來Jerald聯合作曲，配合梁柏堅與小克罕有地合寫歌詞，「四條A」以混合式合作暗生「愛火」，他說：「其實係幾得意，大家好似心靈相通咁，講講吓都覺得曖昧，過程中亦更加懂得放低主見，有機會從人哋嘅角度去睇自己嘅音樂，真係有重新認識自己嘅感覺。」