吳千語開P擦火雞

「少女版楊采妮」吳千語（Karena）曾因朋友要在聖誕節陪男友而要過Lonely Christmas，獨留家中十分冇癮，故今年她跟同事搞聖誕派對，玩番夠本！

現年18歲的新人Karena，入行後首次過聖誕節，喜歡熱鬧的她表示曾過Lonely Christmas，獨自在家中度過聖誕十分冇癮︰「因為身邊嘅女性朋友掛住拍拖，要同男朋友過二人世界，得番我自己一個，真係好慘！」

不過今年Karena卻不愁寂寞，因為她會跟公司同事開聖誕派對，她說︰「大家傾吓偈食吓嘢，因為我好鍾意熱鬧，咁樣有一種溫暖嘅感覺。」自言食極唔肥的她更稱會於聖誕派對中狂食︰「我會食好多嘢，今年好想食好食嘅火雞，但身邊朋友都話火雞邊會好食o架？但我會出去試吓搜尋！」除了打算狂食，Karena表示想跟朋友交換禮物。問到想收甚麼禮物？她竟說︰「今年想收個鞋櫃！因為入行後多咗好多鞋，送嘅人最好送到我門口，因為太重喇！」

驚喜變失望

回想過往的聖誕節，Karena於澳洲讀書時曾收到由香港朋友寄來的禮物，但這份禮物令她歡喜之餘亦有點失望，她笑說︰「喺澳洲讀書時朋友寄朱古力畀我，但當地係夏天，我收到已經融晒。原本好Sweet，不過竟然融晒！」