陳潔儀自資開騷懶理賺蝕

歌手陳潔儀將於明年開騷，並由趙增熹擔任音樂監製，他們日前接受《娛樂on Show》訪問，暢談自資搞音樂會的喜與悲，更揚言搵錢事小，享「樂」事大！

九十年代憑《等了又等》、《失蹤》及《擔心》等金曲爆紅的陳潔儀（Kit），將於明年2月與趙增熹（阿熹）舉行演唱會，《娛樂on Show》邀請他們接受主持人周吉佩（吉吉）訪問，雖然今次他們自己出錢做老闆，但對賺錢與否不太擔心，最重要是投入演出！

已有多年沒有在香港獨自開騷的Kit，自然令人期待，她亦表示會盡量專注於表演上，不會去考慮金錢問題，她說：「如果仲係諗住嗰啲嘢，咁你點樣去投入呢？因為喺個台上，最緊要係我要佢嘅音樂，佢要我嘅表演，所以我哋都唔會去諗住賺錢囉！」

老拍檔互笠高帽

阿熹亦相當淡定，因為經驗告訴他，多數不會蝕錢：「我上次同阿Kit出嗰隻碟都唔使蝕！嗰隻碟原本打算蝕大錢，不過最後賣得非常之好，喺香港賣過萬隻！」原來他們十多年前合作《雪狼湖》音樂劇時認識，彼此讚不絕口，Kit大讚阿熹彈琴彈得很自然、很準確，阿熹則用「完美」來形容Kit的天籟之音：「嗰次演出，尤其係第二晚，真係一個完美嘅表演！我唔知點評分，嗰種享受同開心係唔能夠形容嘅！」