EKEE 月圓之夜招魂

外形Punk爆的樂壇新人兼DJ EKEE（黃承恩）自爆小學開始便喜歡租看恐怖、血腥片，故即將推出的新碟，靈感亦來自這類影片，她說：「我第一主打《冷血夜》就係好迷幻嘅歌，主題係招魂，仲要喺月圓之夜做！」問到品味如此獨特，可會被人列作另類？她說：「有人會覺得怪，但其實每個人都係獨特嘅，所以冇咩怪唔怪。」

EKEE將於本月26日舉行主題音樂會，與一般音樂會大有不同：「我風格對普羅大眾嚟講係古怪，所以個騷亦都唔會好普通！」另外，她亦介紹其電台節目《扭錯台》：「我喺呢個節目會介紹好多恐怖、古怪電影，好多都好搞笑，又冇錢做特技，所以效果好特別！」

風格另類的EKEE，新碟的靈感取材自恐怖和血腥片。