湯盈盈遇錢嘉樂變笠水王

湯盈盈早前涉停牌期間拍攝駕車戲份，惹來傳媒廣泛報道，但她坦言不擔心，因自己不會再犯錯，再犯便很「衰女」！對於與錢嘉樂的關係，盈盈稱隨便大家猜想，但遭好友笑她在嘉樂面前頓變「笠水王」！

有指湯盈盈之前拍攝無綫劇《天與地》時，涉停牌期間駕駛，更被傳媒咬住不放，但她未感擔心：「希望啲觀眾睇番我哋嘅出發點唔係做犯法嘢，而係想畫面完美、真實啲，我問過律師係冇問題嘅，而且自己一定唔會咁搏囉！外間唔信都冇辦法，之前我的確係有錯，但唔會再犯錯，否則就好衰女。」

劇中，盈盈飾演黃德斌的太太，兩人已非首次飾演一對，她坦言很欣賞對方工作認真、做事有幹勁和用心，即使有時沒有黃德斌的戲份，他都會在現場一起研究如何拍攝。盈盈自言喜歡認真工作的男士，談及緋聞男友錢嘉樂工作時也很認真？她笑說：「我未同佢真正合作過，之前都係一齊拍遊戲節目。（想同佢合作吓？）我又唔想喎！因為個個都話我見到佢就即刻變『笠水王』，個樣好似畀佢食住咁，但呢個只係表面。（背後係你食住佢？）唔知呢！」

「齋」爆過聖誕

問到兩人有否打算結婚？盈盈笑言自己不會跟潮流，至於為何不坦承情侶關係？她說：「我哋冇唔認，亦冇去認，大家鍾意點諗就點諗囉！（視錢嘉樂為終身伴侶？）唔知呢！」

盈盈又表示今年聖誕節有假期，但因父母去旅行，故她會跟婆婆歡度聖誕：「之前我都問過洪天明有冇Party，我話帶埋婆婆嚟，佢即刻話唔受我玩，所以今年聖誕都唔會出外，婆婆係食素，所以今個聖誕會好『齋』」。