Kay藝術個唱玩串中西

謝安琪（Kay）下月的紅館騷請到三位猛人助陣，令音樂和舞蹈都別具一格，當中更玩串中西樂。

謝安琪下月再踏紅館開騷，主辦機構為她請到全球排名頭3位的古典結他女演奏家安娜維多唯契、琵琶公主孫穎及香港舞蹈團首席舞蹈家蘇淑參與，令Kay開心不已：「佢哋嘅表演好出色，好開心可以同佢哋合作，我唔擔心會曲高和寡，我都考慮過會唔會藝術性太高，但相信我嘅Fans會接受。」

Kary捧場冇不和

開騷在即，但Kay的負面新聞不絕，有傳其一姐地位被新加盟的吳雨霏（Kary）威脅，Kay說：「我哋係好朋友，唔係咩競爭，而且老公（張繼聰）同佢好熟，見到Kary轉新公司有好發展，我都衷心戥佢開心。（會唔會請佢睇騷？）佢講咗會嚟睇騷，所以唔存在你死我活，純粹揣測，我本人冇呢啲。」

至於有傳她被環球冷待，不但個唱記者會沒代表出席，連日前環球搞聖誕派對，亦沒有出現，她解釋：「記者會公司有兩位同事嚟，只係Duncan（環球高層黃劍濤）可能忙冇出現，大家敏感咗，我同公司關係冇嘢，仲有3年合約，所以唔使咁多揣測，至於聖誕派對因為我有嘢做，唔出席唔係咩大事。」

此外，Kay的老公張繼聰前日跟謝君豪等綵排音樂劇，分飾多角的張繼聰，排練時劇本不離手，還記低導演的評語做筆記，十分認真。