樂壇組合糖兄妹將於Boxing Day（26日）假九展Star Hall舉行首個演唱會，宅男女神糖妹瞓身宣傳，不惜破例穿短裙騷腿，雖然身高只有4呎8吋，但糖妹沒有自卑：「難得可以露吓，雖然冇42吋長腿，但起碼唔係象腿嘛！」
糖妹表示曾找醫師針灸減肥：「主要減大髀同腰，第一次落咗36針，雙腿即時幼咗。」而她在處女騷上會低胸露事業線：「不過之前減肥好犀利，得番兩厘米事業線，但我都會做足安全措施狂黐膠紙。」她還會在演唱會上公開入行前肥腫難分兼未箍牙的「娘樣」。
糖妹積極宣傳首個演唱會。
