馬德鐘善款三太唔過問

賭王三太兼東華三院副主席陳婉珍，昨日出席護苗基金活動。對於馬德鐘於陳嘉桓事件後揚言會捐款予東華三院，問到對方是否已履行承諾，三太說：「我冇問喎！睇報紙話佢有捐o架喎！」此外，她透露與賭王何鴻燊一同做冬，並會親自下廚，菜式包括燒肉及雞等，問到子女是否在港，她說：「超雲同超蓮唔喺香港，得猷啟喺度，依家啲後生唔會覺得冬大過年。」談及霍英東家族爭產一事，她坦言有聽聞，問到會否擔心何家將來會發生類似情況，她即說：「今日唔講呢啲，講番活動啦！」身旁的好友蕭芳芳即時出言擋駕：「你哋唔好問啲令佢尷尬嘅問題啦！我又聽唔到，保護唔到佢。」

捲入陳嘉桓事件的馬德鐘，承諾捐款予東華三院回饋社會。（資料圖片）

三太（左）與蕭芳芳出心出力支持護苖。