對於陳浩民被揭未捐款，陳嘉桓師傅冼國林對他投以信任票：「我相信佢唔會食言，因為件事牽涉好多中間人，相信只係時間未配合到，至於捐款詳情最好問番當事人。」至於身在內地拍攝《光輝歲月》的陳嘉桓，則透過母親兼經理人Ronnie回應：「我哋唔清楚，因為件事由冼國林師傅處理，當日冼師傅開記者會，我哋又唔喺香港，所以要冼師傅先知詳情。而且我哋講咗件事唔再追究，所以希望有個終結，至於之後點處理，都係問番冼師傅啦！」
