周麗淇冇聯絡紗廠太子爺

周麗淇昨日為劇集《女警愛作戰》拍攝外景,最近有傳她與紗廠太子爺甩拖,問到是否沒有男友陪過聖誕,她說:「係咪都冇o架啦。(紗廠太子爺呢?)話咗唔係啦!(唔係散咗?)唔係男女朋友。」她指大家認識但已沒聯絡:「總之依家做嘢幾開心,冇拍拖就冇拍拖,控制唔到o架啦!」對於有傳舊愛鄭嘉穎與佘詩曼復合,她說:「關我咩事呀?剔除我個名啦。(相信?)冇睇唔知。有關二人嘅新聞我唔想講,唔好再叫我講佢哋嘅嘢啦!(祝福?)唔關我事呀!」

同場有婚後的呂慧儀,問到有指丈夫Dickson「扮富豪」,她說:「佢冇扮,唔覺佢扮富豪喎。(你有錢啲?)唔知,錢夠用咪得囉,佢都有畀家用我。我啲錢一向畀晒媽咪管,老公想食軟飯都難,要向阿媽申請。」她並透露因忙於工作而沒時間造人,故拍攝期間不忘抱抱街坊的孩子。

一身型格女警裝扮的朱慧敏(左起)、周麗淇及呂慧儀昨日一同拍攝外景。