徐靜蕾、鍾麗緹、黃立行及李治廷前日於上海出席電影活動，鍾麗緹表示雖然曾經歷離婚，但對愛情未有失去信心，現時單身的她說：「愛情好似流沙，捉得愈緊就愈容易失去！」對於早前傳出再墮愛河，她強調目前感情處於空窗期：「我相信愛情係有保質期，而呢個保質期對我嚟講係6個月，如果過咗都仲係彼此鍾意，咁就可以繼續喺埋一齊！」並坦言早前拍攝電影時正值離婚：「角色遭遇同我有啲似，所以睇劇本時都忍唔住落淚！」