祖兒做大贏家基仔豪派禮物

容祖兒和古巨基在網站頒獎禮上各得3獎，祖兒成為女大贏家，聯同其他英皇歌手Twins及林峯等，英皇共掃19個獎，成為全場班霸。

祖兒前晚以全黑型女打扮出席網站頒獎禮，與基仔各得「搜尋人氣大獎－本地男／女歌手」、「搜尋十大人氣歌曲」，另她再獲「搜尋人氣大碟」，基仔則奪「網上熱爆歌曲」，兩人各得3大獎項。同獲佳績的還有林峯、Twins、陳偉霆、泳兒、鍾舒漫、洪卓立、BOYZ、林欣彤和泳兒，英皇橫掃19個獎，全場最巴閉！華納歌手方大同奪3個半獎，榮登男歌手大贏家。

祖兒捧3個獎拍照時，自豪地說：「大贏家。」她完騷後要趕住與媽咪、朋友食冬至飯，但因容媽媽知她時間觀念較差，故將10時的飯局改至12時，問到為何朋友有份出席飯局？她說：「嗰啲係我由細識到大嘅朋友，媽咪當咗佢哋係仔女。（叫埋何韻詩？）冇，佢唔得閒，我同家人過。」祖兒原定要在工作中度平安夜及聖誕，但日前收到取消了24日晚的商演騷，令她可與家人過節。祖兒不知損失多少，但「長命工夫長命做」。完成聖誕節的內地搵錢騷後，她可能約朋友唱K或留在家中。

周秀娜中門大開

與祖兒齊做騷及即晚返港赴朋友約會的基仔，已預備其公司的品牌服裝送給友人及同事作聖誕禮物。問到已第4年奪「搜尋人氣大獎─本地男歌手」獎，他說：「好開心，多謝網民一直支持，最開心可以見番啲舊朋友，好似LOLLIPOP F咁，我已經約咗佢哋下次來香港時再食飯敍舊。」

而周秀娜前晚真空上陣、以中門大開的姿態，接受「最佳女演員」等兩獎，問到服飾有否先給男友Avis過目？剛由上海拍劇返港的她說：「返嚟未見過。（着住去見佢？）條裙咁長，我驚真係仆住去見佢。」