明顯減磅的苟芸慧（苟姑娘）前日為《怒火街頭II》與鄭嘉穎到大埔拍攝煞科戲，苟姑娘拍攝遭車撞的借位鏡頭時要連撻七、八次，減磅後的她身手顯然敏捷得多，應付自如。
其後，苟姑娘親身上陣駕車，由於其外表斯文，所以初時大家都有點擔心，豈料她與武指練車後，原來揸得一手「辣車」，令人大跌眼鏡！她說：「同視帝、視后一齊開工當然大壓力啦！《怒火》第一輯反應又咁好，大家自然高要求，可能就係呢種壓力自然瘦咗！我有兩年冇揸車，呢度咁少車就冇問題，出去旺區就唔敢喇！」
苟芸慧笑言與嘉穎合作，感到有壓力。
苟芸慧為拍攝一場撞車戲，撻完又撻！
