身穿性感裙的劉心悠昨日出席以婚禮為主題的活動，見證一對結婚六十年的夫婦如何恩愛，她說：「好羨慕呀，一齊咁耐一啲都唔易，唔係個個都有咁嘅運氣，我都好恨做婆婆時，有個伯伯拖我手過馬路，好浪漫。」
但心悠稱未找到真命天子，對於任達華爆她將做新娘，她說：「唔係爆，係亂講，佢仲話要介紹曾志偉畀我呀！（想要白色聖誕婚禮？）想要沙灘婚禮，我唔會着三點式，反而着復古喱士婚紗，女仔唔使着鞋，我就做個赤腳新娘，唔使穿高跟鞋！」
一名小男孩跪地獻花，心悠顯得十分驚訝！
