前輩娜姐：好好運用才能
o靚模界競爭大，Carol表示推出寫真後飽受壓力，承受四方八面的批評聲音，令她不禁在家裏嚎哭！身為師姐級的周秀娜（娜姐）當年推出寫真集也廣受批評，曾與Carol合作《婚前試愛》的她說：「叫佢放鬆啲啦！佢本身選擇重口味條路，就有重口味嘅人回應佢！（同佢熟落？）Hi-bye Friend啦！我比較自閉，好少留意其他人做嘢！喺我眼中，佢係一個好勤力嘅女仔，依家仲半工讀，祝佢學業進步、事業有成！（支持佢性感？）我覺得天生佢才必有用，要好好運用才能！」
另一邊廂，「寸嘴胸模」何佩瑜（Jeana）則表示從未與Carol交手，但二人曾於活動上碰頭，當時Carol當Jeana透明！問到會否有合作機會？Jeana說：「未知喎！我同佢唔熟，不過我鍾意同型男合作多啲，好少諗同邊個女仔合作！（佢為寫真喊過？）食得鹹魚抵得渴囉！」
周秀娜讚Carol勤力，更祝她事業有成。