洪卓立 巴士異度招魂

歌手洪卓立（Ken）深信世上有鬼神，愛聽鬼古之餘，亦喜歡分享其靈異經歷。原來Ken很容易招惹鬼魂，他娓娓道來兩次的「巴士撞鬼記」，雖然沒有血肉模糊、甩頭伸脷的驚嚇場面，但對方的「無影腳」及詭異眼神已嚇得他魂飛魄散！　

今次Ken要講的鬼古，發生在未入行前，事發時間及地點等細節已不太記得，但當中的恐怖經歷，叫他畢生難忘。當晚他獨自乘巴士回家，坐在有對頭位的座位上，由於疲倦而閉目養神，睜開眼時發覺對面坐着一位妙齡少女。初時Ken不以為意，只瞄一瞄對方，不過他突然感到異樣，再望向少女時，看見她神色有異，Ken說：「佢個樣同普通人一樣，不過佢畀人嘅感覺好奇怪！佢完全冇血色、冇表情，眼睩睩咁望住我，但又好似睇唔到我咁！我再望清楚佢，嗰刻我個心好似要跳出嚟一樣，因為佢原來冇腳o架！我即時知自己『賴嘢』……」

冇停站點落車？

雖然Ken極度驚慌，但仍強裝鎮定，生怕露出驚訝表情，會刺激到對方，發生更恐怖的事。他惟有裝睡避之則吉，兩分鐘後睜開眼，「少女」消失了：「我肯定佢係鬼！因為架巴士冇停站，又聽唔到腳步聲，咁佢點落車呀？」

一段時間後，Ken的心情稍為平復，豈料禍不單行，半年後他再遇「鬼乘客」！這次對方更察覺到他的存在，向他投了一個令人心寒的眼神。當時Ken乘巴士過海，站在司機位旁的通道上，欲向司機問路，無意間看見司機位的倒後鏡，有一名標致少女站在落車位，但隔了五秒，那少女在鏡中「失蹤」了。他好奇地回頭，發現少女已落車，還站在街上回望他！那時他全身雞皮疙瘩：「根本架巴士都冇停站，最得人驚係，巴士啱啱經過跑馬地墳場，而佢就企喺墳場入口位望住我！佢望我個眼神好詭異，唔識點形容……」

Ken連環在巴士上撞鬼，令他有段時間不敢再搭巴士，他心慌慌的說：「我唔係導人迷信！不過喺我嘅世界裏面，呢個21世紀，真係有異度空間嘅靈體存在。」

場地：labadega

髮型：Mike@P.O.P hairdressing

化妝：Sherman@ Love Cosme make up