森美爆黎明識「誘」女

電台DJ森美的Talk Show《情聖》前晚於伊館開鑼，吸引無綫高層陳志雲及官恩娜等捧場。森美以「最夠情聖」來形容謝霆鋒：「佢攞金像獎嗰時用英文讚當時老婆（張栢芝）好靚！」又指男人講一些難明的說話，女人才會臣服：「所以黎明咁多女人鍾意，佢嘅金句冇人明！」隨即引述黎明指衞蘭肥過電單車的金句，並說：「邊有人用電單車形容人？正如話林峯Chok過隻艇。」

騷上，森美自爆當年求婚經過：「喺法國我哋嗌交，嗰刻我拎戒指出嚟同佢講：『呢刻我咁憎你仲咁愛你，你肯唔肯嫁畀我？』」他又以「黃金剩女」介紹嘉賓阮小儀，事後表示會介紹男士給她。

森美直認與小儀合作最有火花，會努力為她作媒。