杏兒硬搶嘉穎飯碗
出爐視后胡杏兒昨日以新髮型出席按摩椅活動，席間司儀袁嘉敏屢在台上提及黃宗澤，杏兒尷尬反擊：「乜你好鍾意佢咩？」看來視后唔玩得！她表示封后後未知可有加價，但希望「爬視帝鄭嘉穎頭」，講到有傳對方在內地拍劇收逾20萬元1集，她說：「我抵用啲，希望多啲Job啦！」對於無綫高層陳志雲離職，被指是「迷雲黨」的她亦大嘆可惜。
至於視帝鄭嘉穎前晚出席音樂會時，未有趁機一展歌喉：「呢排比較忙，冇時間練歌怕丟架！（再出碟？）有機會都想！（開騷？）逐步嚟啦！出碟搵唔到錢o架！」而同場的黃德斌則力撐劇集《天與地》，雖輸收視但贏口碑。
換了新髮型的杏兒，靚到呢！
嘉穎稱帝後幾乎日日有Job，旺到爆！