法拉有假放懶得造人

無綫花旦陳法拉昨日出席公開活動時，拒評論「未來妯娌」諸葛紫岐懷孕傳聞，但自爆短期內無意做媽媽！

無綫當紮花旦楊怡、陳法拉、徐子珊及陳茵媺（Aimee）昨日出席香水活動，她們不約而同晒靚腿，爭妍鬥麗，當中茵媺更谷出少許事業線，算是贏了一個馬鼻！

日內將返美休息的法拉，獲爸爸自製臘腸恭迎，看來要趁假期谷肥她，她承認男友稍後會飛往當地會合。提到諸葛最近肚凸凸被指懷孕，她卻不欲多言：「佢啲嘢你問番佢啦！（你放假努力造人？）放假就放假，唔好咁辛苦！」剛於新加坡獲得「最佳女配角」的她，日前於家中煮飯仔慶祝，但未收到男友的禮物。

Aimee追劇捧陳豪

至於Aimee談起男友陳豪已笑得合不攏嘴，問到男友主演的劇集《天與地》收視偏低，她仍力撐：「好好睇！雖然我唔係集集追，要勤力啲睇先得！（有指TVB唔重視套劇喎？）拍劇拍得咁辛苦，都係想觀眾睇，幾時出街唔重要！（有指套劇流失好多師奶觀眾？）我都覺得套戲有啲藝術，比較啱年輕人睇！」她更大讚陳豪於劇中的留鬚Look有型。