視帝唔敢安慰Niki

對於舊愛周麗淇（Niki）在公開活動上揚言冇拖拍，並着外界不要在其傷口上灑鹽，出爐視帝鄭嘉穎昨日拍攝劇集《怒火街頭Ⅱ》時說：「人哋都話唔好灑鹽，唔使安慰啦！之前喺梁靖琪婚禮度有同佢傾偈，佢好正常、OK、非常冇問題！（翻撻？）乜你講嘢咁得意嘅！」對於林峯及吳卓羲均受內地女星影響，他說：「呢啲睇運氣，最重要戴眼鏡，唔可以標籤內地或台灣女仔。（港女？）香港女仔都有可能呢！」而接受查小欣訪問時，他自稱冇拖拍，並踢爆汪明荃鼓勵他拍散拖。此外，前晚他偕高海寧及馬賽等出席活動，吸引數百人圍觀，警員一度上前要求讓路，他揚言手機內沒有親密照：「乜都放喺記憶中！」

出爐視帝鄭嘉穎（右），拍劇時與曹永廉玩到癲。