大熱變紙片(19)馮雪冰暴瘦
原本屬大熱之選的港澳特區代表「港版全智賢」(19)馮雪冰及「國產大S」(20)楊鑫婷，昨日雙雙跌Watt。骨肉勻稱的馮雪冰疑壓力大暴瘦至95磅，恍如「紙片人」，穿上三點式後，單薄身形無所遁形。而早前因簽證問題缺席活動的楊鑫婷，則大晒「腩肉」，側面睇完全變成「水桶人」，大失美感！
另一位港澳特區代表J周嘉莉樣貌未見突出，而5呎3吋的身高更凸顯下圍變「巨躉」，可算「騎呢」一族，惟她自信十足說：「近排減肥，我下身比較大，要努力減腳同腰。（細粒蝕底？）我比起其他佳麗有自信，加上身形係父母畀嘅，唔覺有問題，之前有評判話我人仔細細但有自信！」
(19)馮雪冰 33、23.5、35
本來已經一百磅唔夠的(19)馮雪冰，瘦上加瘦。