法拉讚志雲有氣量

陳志雲離職遊學,各藝人都有不同反應,其中包括無綫藝員陳法拉、何傲兒及歌手張敬軒,紛紛發表意見。

對於有指胡杏兒奪視后是靠陳志雲的權力,陳法拉說:「公司內部同觀眾都有投票,我相信係公平,替杏兒高興。(你後台唔夠大?)唔係不嬲都話我係志雲派嘅咩?其實我哋冇分派別,拎獎唔係同邊個關係好就左右到,杏兒係靠實力。(你冇實力?)我有,但係獎得一個,我會加油。(陳志雲走咗你拎獎機會大啲?)唔關事,其實我好欣賞佢咁有氣量去出走遊學。」

何傲兒則說:「陳生係一個好叻嘅人才,就算佢去到邊都想佢好。(公司內部好亂?)管理層嘅嘢理唔到咁多,所以都係做好本分,同陳生都熟,只係佢辭職後未聯絡佢啫!」

而張敬軒說:「我同陳生係朋友,但有段時間冇聯絡,我都期待上《勁歌》,但成年冇喺無綫派歌,都應該冇得角逐年底《勁歌》總選。(列席支持?)我諗無綫會知點安排至係恰當。」

陳法拉坦言很欣賞陳志雲的氣量。

何傲兒大讚志雲叻仔。

張敬軒表示與志雲是朋友。