克勤感激志偉幫手破冰

李克勤前晚演出《歡樂滿東華》,成為版稅風波後首位亮相無綫的四大歌手,事前自言心情緊張的他,完騷後在微博上載與曾志偉的合照,感激對方為是次「破冰」出心出力,並透露因耳機問題而感到美中不足;志偉受訪時則搞笑地說:「見到克勤梗係開心,因為代表可以見番阿倫(譚詠麟),本來佢都話嚟,點知要去北京開演唱會,我笑佢話人哋捐錢,佢就去搵錢!」談及陳志雲離職一事,志偉即時變身「預言家」:「佢休息吓啫!我覺得佢會返嚟,TVB係首選。(佢話去讀書?)都好嘅,但最多半年,我會約佢食飯傾吓偈。」

此外,同屬四大歌手的陳柏宇未有欣賞克勤的破冰演出,但說:「克勤第一個上好正路。(無綫契仔?)係囉!係好事,我都好期待。」

因重返無綫而心情靚爆的克勤,與歌迷齊齊BBQ。

克勤(左)與志偉相隔兩年再於無綫碰頭,格外興奮。