彈女友演技唔掂 黃宗澤自揭難頂在「軟」

隨着杏兒一番「互頂」宣言,黃宗澤與她的戀情正式浮面,更公開拖手及攬到實!究竟杏兒口中的「難頂」是甚麼?黃宗澤為女友解畫:「佢負能量太強喇!有時見佢做戲唔係好妥會話佢,佢唔開心咪嬲囉!可能佢睇得周星馳啲戲太多,有時做戲唔夠人性化,我都係提醒啫!佢嬲咪由佢囉!我呢啲叫軟皮蛇,所以佢都覺得我難頂o架!」杏兒突然公開戀情,黃宗澤坦言被嚇窒,但現階段雙方均以事業為重,暫不打算談婚論嫁,至於「7年之癢」問題,他幽默地說:「佢幫我抓咗咪唔癢囉!」

此外,他昨日在旺角拍攝賀歲片《2012我愛HK喜上加囍》,對於被指送車送樓給杏兒作為視后禮物,他只陰陰嘴笑,未有正面回應。問到有否留意老友吳卓羲與張馨予的新聞,他說:「人哋嘅嘢唔方便講太多,我信佢識得處理。」

黃宗澤昨日在鬧市拍賀歲片,吸引大批市民圍觀。