敏之撐拍檔：佢毋須用約換獎
人氣劇集《怒火街頭》在今年台慶頒獎禮大豐收，除了令嘉穎再奪視帝外，「索腿天后」陳敏之亦憑該劇首奪最佳女配角，認真威水！對於拍檔嘉穎一吐5年烏氣，再奪最佳男主角，敏之說：「真係好開心！我都有投佢票，佢喺《怒火街頭》表現真係脫胎換骨，演出另外一個鄭嘉穎，太豁出去喇！我覺得佢攞獎係實至名歸囉！」
嘉穎在台上講過該獎不是用約來換，敏之亦大表贊同：「我認識嘅嘉穎絕對唔會做呢啲嘢，亦都唔需要囉！佢係一個性格好獨立嘅人，亦都好鍾意照顧人，每次同枱食飯都會夾餸畀長輩，我覺得真係好難得！」
敏之讚嘉穎體貼，甚懂照顧拍檔。
胡杏兒（左起）、鄭嘉穎及陳敏之合力谷《怒火街頭》，結果劇集收得人氣升。