關心妍喪食Spa泰寫意
關心妍（Jade）早前與老公楊長智赴泰國蘇梅島過二人世界，玩足四日三夜，慶祝結婚兩周年及Jade明年初在紅館第二次開個唱。Jade表示此行後，要半年後才再出埠，故今次大吃大喝，享受陽光與海灘：「今次好Relax，喪做Spa充電，放鬆近排緊張心情，我同老公都有玩獨木舟，但我就划到冇晒力。」她還放肆地喪食當地美食：「食咗好多泰菜，因為嚟緊要排個唱，要忍口Keep Fit，所以冇啖好食，今次食多啲滿足食欲。（買衫？）咁又冇乜，連手信都冇買。（曬黑？）少少啦！我本身鍾意去東南亞地區。」
Jade表示此行有放孔明燈：「有晚同老公經過沙灘，嗰度有得放孔明燈，咁我同老公就Make a wish，我寫咗紅館大賣，佢就應該寫快啲生BB。」至於今趟旅程有否給老公驚喜？她甜笑說：「我有着性感泳衣，因為去沙灘嘛！佢好驚訝我呢排瘦咗，我諗依家係我人生最瘦時刻。」
Jade對着滿桌美食，食指大動！
Jade與老公楊長智旅行也不忘甜蜜自拍。
Jade在泰國行沙灘，放孔明燈許願。