張繼聰約滿TVB向陳總搲撈
無綫與四大唱片公司破冰後，簽新合約的歌手可以亮相其他電視台，歌手張敬軒昨日為亞視節目作表演嘉賓，他說：「我冇仔細睇過合約，只知我日後可以喺各電視台亮相。」對於無綫高層陳志雲以遊學為由，向無綫請辭，軒仔羨慕地說：「我都想去遊學，但冇得話走就走，陳總有情有義，佢話重返電視台嘅話，無綫係首選。」
另外，張繼聰出席電台活動時說：「多謝佢（陳志雲）當年畀咁多機會我！佢係一個好心地嘅人，期待同佢再合作。」並透露快將約滿無綫。有傳金牌大風將有重大變動，他坦言已向經理人求證：「佢話報道失實，我唔太擔心，知道公司計劃晒明年全亞洲嘅動向。」
