梁漢文等老闆交代
最近傳出金牌大風老闆龐維仁有意將公司易手，梁漢文昨日與關心妍出席活動時明顯有備而來，他說：「唔知，老闆喺呢個階段應該向公司藝人講係點樣，呢個係基本要求。（打畀老闆問？）唔使畀壓力，係需要畀大家知道。」他自爆明年有新動向：「做完演唱會，就會同公司有啲工作形式改變。（解約？）唔方便講太多。」
至於消瘦不少的關心妍則透露，最近忙於為演唱會排舞：「想洗底，之前跳舞畀人笑足一百年。（搵關菊英做嘉賓，唔驚令人諗起當年嘅烏龍『搶獎』事件？）我係想多謝番佢。」她還表示有意趕生龍B：「因為我鍾意龍多過蛇！」
對身材充滿自信的關心妍，不介意再跳鋼管舞。
梁漢文上前與小朋友握手，非常親切。