貓媽媽Halen校鬧鐘餵奶

女子組合Lacee Lacey成員Halen少年時已跟貓結下了不解緣，在7年前收養了家貓奧奧，從此跟牠建立了深厚感情。當時還是學生的Halen說：「未開眼嘅時候我已經收養咗佢，嗰陣我喺石澳游水，見到佢畀隻狗壓住，滿身傷痕，我用毛巾包住佢，然後送佢睇獸醫！」自此，奧奧便成為Halen家中重要的一員。

當時的Halen早已認定是奧奧的媽媽：「最初照顧佢嘅時候，會校鬧鐘起身，然後每4個鐘就餵一次奶！」Halen笑言以前更會着奧奧叫她做媽媽：「奧奧依家好鐘意講嘢，佢仲識講『Hello』同自己個名！」

養寵物前諗清楚

問到與奧奧難忘的事？Halen說：「佢學跳有次唔小心跳落馬桶，好彩媽咪聽到佢慘叫救番佢！」Halen深感當寵物的主人是一生一世：「動物係一條生命，養寵物前要仔細諗清楚，唔好一時衝動！我建議想養寵物嘅人可以去領養中心同動物玩吓先，接受到先養。」

Profile

名字：奧奧

品種：家貓

年齡：7歲5個月

性別：囝囝

嗜好：講嘢