黎耀祥O嘴 唔怕無綫變天
志雲宣布離職，好友之一的黎耀祥直言感愕然：「無綫貴為上市公司，好多事都經過董事局決定，所以唔太擔心陳總離開會對演員造成大影響。印象中嘅佢好聰明，轉數又快！（佢離開大改變？）唔會！我同無綫只係普通演員合約，仲有一年。」曾同遭ICAC調查的錢國偉尊重志雲決定：「佢一定有計劃，去向就唔講喇！（將來合作？）當然希望！佢依家仲幫緊無綫，我都喺佢安排下做新遊戲節目。」
被指為「志雲派」的陳敏之坦言感可惜，問到會否擔心失寵？她說：「唔關事！係人哋講啫！」另一愛將崔建邦對志雲離職亦不願作回應，但昨日有讀者爆料指目擊他於上月中現身將軍澳某酒樓訂婚宴酒席，問到是否與唐詩詠好事近，他只簡單回覆：「冇。」
黎耀祥不擔心志雲離職後會影響公司運作。
陳敏之日前奪獎時曾多謝陳志雲，故對其離職感可惜。（資料圖片）