陳美詩克服陰影出埠復工
陳美詩上月為無綫到沖繩拍旅遊特輯出意外後，最近到馬來西亞為王祖藍的舞台劇擔演文戲。美詩休息三周於上周末復工，前晚她在電話中說：「冇陰影啦！有嘢做好開心㗎！我抖咗三星期，條頸仲有少少痛，會定期做針灸，今次只係演文戲，喺台上搞吓笑踩單車，我都OK應付到。（男友孫耀威擔心你？）有，叫我小心啲！（擔心男友代你出頭而激嬲無綫？）冇啲咁嘅事，男友只因『四大』問題未有出現無綫啫！」她今趟集中品嘗美食，並笑言是增肥之旅：「我喺雲頂演出，條頸有啲痛，唔玩機動遊戲，所以掛住食，我今次食到嗰邊榴槤『象山王』，好開心！」
