無綫藝人李思欣與范振鋒昨晚飛往關島註冊結婚，她透露昨日三時至五時過大禮，但老公與她均「冇面見人」：「過大禮嗰陣我要匿埋喺房，而老公都唔會出現，全程由屋企人負責。（滿意禮金？）OK可觀㗎！（合唔合媽咪心意？）當然合啦！佢不知幾開心！」
思欣透露跟家人飯敍後才上機：「我因為執行李而遲瞓，我要帶兩套婚紗，老公就有三套禮服，好驚行李超重呀！（性感尺度？）可以啦！但老公唔想太性感，所以以Low Cut為主。」
李思欣（左）表示過大禮當日，全程由家人負責，而媽咪對禮金十分滿意。
