今年重組的BOYZ殺入「我最喜愛組合」五強，與RubberBand及Mr.等爭獎，成員關智斌（Kenny）自爆BOYZ首度入圍：「我哋出道兩年嗰陣係威係勢，但都未入過五強，今次有信心拎金獎！」他們以草蜢造型亮相，並以搞笑舞姿演繹《忘情森巴舞》，令人捧腹大笑！
日前遭內地影帝葛優取笑普通話欠佳的Kenny，以「食死貓」形容事件：「葛優係話我嘅普通話冇北京腔，但報道就寫佢話我普通話差囉！我嘅普通話老師最嬲，因為佢係北京人，負責教我發音！」
BOYZ扮草蜢勁歌熱舞，Kenny（右）更戴上假髮扮蔡一智。
