分後剪髮備婚

楊思琦於六月二十八日突然宣布與拍拖九年的男友李泳豪分手，有傳是思琦劈腿戀上吳帥，泳豪更曾哭訴：「我仲未接受到！」其父李家鼎因愛子心切而大罵思琦：「佢黐線o架？仲Plan緊結婚。」而有傳懷孕的思琦向公司請九個月大假，卻無交代去向。其後她接受《東張西望》訪問時，哭訴分手感受，遭李家鼎爆粗喪鬧：「講X埋啲廢話！」泳豪的哥哥泳漢更爆出思琦叫其母施明「食屎」。

七月八日，一直避談新戀情的思琦，承認與吳帥早在五月撻着，其後她突然剪短髮又學煮飯，似為做妻子及媽咪作準備。九月底，傳出思琦與吳帥分手，但雙方均否認，而思琦自十月開始「冇影」，未有出席公開活動，在微博都只上載食物相片，芳蹤杳然。