李泳豪祝福：都想佢好
有指楊思琦懷孕並將會結婚，前男友李泳豪昨日得悉消息時大感愕然，還反問記者：「你哋喺邊度聽番嚟？」但他已接受分手事實，並大方祝福思琦：「有啲愕然o架！我都反應唔切。（唔開心？）心情暫時都OK，如果呢個係事實，都冇辦法要接受。大家一直冇搵，之前佢話會攞番啲狗都冇，唔緊要，我養囉！（祝福佢？）都想佢好嘅！」而泳豪父親李家鼎早前雖然為護子而鬧爆思琦，但昨日卻收火說：「都過咗六個月，唔理得人咁多，佢生仔結婚，咪希望佢好好哋、開心啲，唔好執着，生個健康嘅細路。（唔嬲？）又唔係仇人。（泳豪未拍拖？）一朝被蛇咬，三年怕草繩！」
李泳豪（左）與鼎爺表示已放下過去，祝福思琦。（資料圖片）
施明及李泳漢曾大動肝火怒斥思琦。（資料圖片）