汪圓圓拍拖保鏢（目及）實
汪圓圓與模特兒Marina V.昨日穿紅色Tube Dress化身聖誕女郎出席活動，Marina V.在合照期間賣大包，六次俯低身大騷三吋事業線。問到圓圓會否介意被搶風頭？她坦言不介意，還大讚對方好靚：「喺冰上我凍到震，我唔介意大會安排我襯披肩，反正我真係好凍。我都擔心會病倒，之後會休息多啲同飲多啲薑茶同橙汁。」
圓圓表示不知男友蔡加讚是否懂溜冰：「香港就少玩生疏，但自己喺加拿大時成日都有溜冰，自己好論盡，成日都整親，所以都驚會仆親。（男友保護你囉？）我唔知佢識唔識溜冰，可能我保護番佢，不過佢啲保鏢都要一齊溜冰。（拍拖成日都有保鏢跟身？）通常有，都習慣。（錫錫咪好尷尬？）唔係成日都係咁，都有Private（私人）時候！」
Marina V.露肩騷腿，性感度爆燈。
圓圓（右）不介意被大騷事業線的Marina V.搶風頭。