鍾鎮濤千萬豪宅贈范姜
鍾鎮濤（阿B）女友范姜昨日帶大女鍾懿和細女鍾幗、聯同袁詠儀及琦琦等出席Gucci Children專門店開幕典禮。
范姜透露會留港慶祝聖誕，並已開始為小朋友買禮物：「我會送玩具畀佢哋，因為平時唔會買。（你想收到阿B送咩禮物畀你？）送咗！我之前生日，佢送咗層樓畀我，所以我叫佢聖誕唔使再送。層樓喺台灣買，價值6,000萬新台幣（約1,500萬港元）。」她笑言會照顧好小朋友及煮靚餸回報阿B。
對於近期不少圈中人成功懷有龍B，經常揚言要生第二胎的袁詠儀認為生BB要順其自然：「我有一個，所以唔會好恨，生仔係天意，有就生，冇就搵錢，呢兩個都係我最大興趣。我嘅工作已排到出年，如果天意畀我，我要篩選工作出嚟。」
范姜帶鍾懿與鍾幗出席活動，三母女玩得開心。
袁詠儀認為生BB要順其自然，故不會強求。