Wyman讚夠精簡 集各家大成
忙於籌備演唱會的黃偉文（Wyman）抽空出席酒會，他透露籌備工作已進行得如火如荼，但實在有解決不完的問題：「每日有100個問題，解決咗70個，又有50個嚟緊，我十年嚟一直每日只工作4個鐘，依家為演唱會做足10個鐘，勁超時！所以完騷後，一定要放個大假去充電。」
Wyman表示想到冰島旅行，為答謝嘉賓的支持，會邀請他們同行：「我會Open個團，如果邊個有時間去就可報名。」
對於《FLASH on》的意見，Wyman坦言現代有太多資訊提供給讀者：「相信啲人根本冇時間成本雜誌睇晒，而《FLASH on》夠精簡，集合好多本地同國際潮流資訊，係新一代嘅摩登雜誌。」問到會否為《FLASH on》寫稿？Wyman說：「我持開放態度，大家如果情投意合，有機會都想合作。」