日前有不少模特兒出席酒會，經理人Kim表示因Angelababy不在港而未能捧場，但今次特別帶同Baby師妹楊汀叮、陳詩雅、曾咏、王麗娜和劉沛蘅到場支持。楊汀叮穿上性感大露背裙，十分搶鏡，她大讚《FLASH on》好好睇，尤其相片拍得很有美感：「我恨做佢哋封面，啲相影得好靚，我好留意本書，最鍾意睇佢哋嘅時裝，介紹好多潮流嘢。」另外，汀叮坦言很喜歡寫Blog，最愛與人分享美食：「我好鍾意食嘢，搵到好食嘅嘢就想介紹畀大家。」
模特兒王麗娜（左起）、劉沛蘅、陳詩雅、曾咏和楊汀叮齊捧場。
