歌手衞蘭（Janice）日前在廣州體育館開騷，並邀得師弟妹李治廷及JW做嘉賓。起行前，Janice已日排夜排，直至騷前一小時才停下來：「我跳舞唔叻，咪勤力啲去補救，以前好多嘢驚做得唔好就唔想去做，但依家諗法變咗，覺得盡咗力最重要，觀眾一定會睇到。」
跳舞環節上，Janice獲性感女舞蹈員伴舞，當看到有男觀眾衝上台拍照時，她亦忍不住笑。問到衣着密實的她可會嘗試穿性感服飾？她耍手笑說：「一定冇呢個機會，驚自己笑到唱唔到歌，佢哋性感已經好夠喇！」
衞蘭（左）與性感舞蹈員同台演出，歌聲取勝。
