陳慧琳建議做瑜伽助產
恨生仔恨到流口水的劉德華，終於在網上報喜，暗示太太朱麗倩懷有BB，圈中眾星齊齊恭賀他這位準爸爸。人工受孕成功的陳慧琳第一時間恭喜：「祝媽媽同BB順利，有乜關於BB嘢想問可以搵我，自己有啲經驗，大家都係龍BB，又住得近，將來BB可以做朋友仔。」她建議朱麗倩做瑜伽有助將來容易分娩。而已是兩女之父的張學友說：「所謂有心唔怕遲，有咗小朋友，人生就再不一樣，冇乜心得可以教華仔，好好享受做爸爸嘅樂趣。」
五虎兄弟苗僑偉（三哥）及黃日華亦連聲祝賀，黃日華在微博留言：「太好了，連人生這個大獎也拿下，劉華，你此生別無再求吧。」三哥則在電話說：「呢次一定堅！華仔都好應該啦！事業有成，又攞埋獎，又有BB，多年心願終於完成，我哋幾兄弟都知道晒！」而黃秋生則形容華仔是喜上加喜：「佢可能好忙，打電話畀佢冇人聽。」
陳慧琳早前宣布人工受孕成功後，如常湊囝囝劉昇返學。（資料圖片）
黃日華(左)、苗僑偉