杜汶澤橫「素」北京覓友誼菜
杜汶澤雖然茹素，但出埠時不忘「民以食為先」，形容北京為「第二個家」的他，因在當地發掘了兩間五星級食肆而自豪！他說：「我食齋啫！唔代表對食冇要求，好開心搵到一間叫『淨心蓮』嘅齋舖，唔只裝修精緻，菜式大多由大豆素材炮製，最厲害係有辣齋供應，好特別！」
人脈甚廣的阿澤，飯局經常高朋滿座，但由於並非個個喜歡食齋，他特別找到一間素肉共存的雲南菜館：「位於三里屯嘅『一坐一忘』係我嘅飯堂，我仲講笑咁話如果聽日死，最後晚餐一定要喺嗰度食！嗰度嘅菜式好有Heart，好似『牛肺菌』咁，我喺好多地方，甚至歐洲意大利都食過，但始終唔及佢整得好味！」據知，阿澤不少友誼是從飯局中培養，難怪他對食如此重視。
杜汶澤
阿澤在北京發掘到具國際水準的牛肺菌，一試難忘！
阿澤（前中）以「齋」會友，難得朋友捱義氣陪他茹素。