G.E.M.梅窩過夜拖仔瞓

鄧紫棋（G.E.M.）於07年寫下的網誌遭黑客入侵，被爆彈鄧麗欣唱歌走音及指「肥杏」胡杏兒樣衰！昨日她承認當時年少無知，並向二人公開道歉，幸與她屬同屆新人的杏兒不介意，認為只是小事。

昨日G.E.M.面帶笑容出席公開活動，並逐一為網誌內容解畫：「依家睇番所寫嘅嘢，覺得好樣衰同好低能！」她解釋當年細個，覺得講粗口好型及好成熟，才會寫下粗口拼音，並自嘲：「今次真係千年道行一朝喪！」對於以「新婚」形容與小男友Bryon的梅窩之旅，問到有否嘗禁果，她說：「嗰時得15歲，好細膽，唔會做犯法嘢，只係拖住一齊瞓。（真係冇性關係？）哎呀！」問到是否處女，她尷尬地說：「我係基督徒，唔會有婚前性行為。（同林宥嘉拍拖時係咪基督徒？）唔好拖埋佢落水。」經記者再三追問，她才無奈地說：「唔使畫公仔畫出腸，我哋冇諗歪念！」

G.E.M.表示曾想透過微博向鄧麗欣及胡杏兒道歉：「見到面會同佢哋講：『有怪莫怪，細路仔唔識世界！』」並做出沙冧手勢說：「對唔住！」網誌曝光後，Bryon第一時間通知她，對於大鬧媽咪煩，她再度認錯：「媽咪喺上海SMS話支持我，叫我堅強，過咗咁耐，佢唔會嬲。」並施冧招說：「母親真偉大！」

杏兒撐唔使道歉

至於被G.E.M.狂踩的杏兒，昨日出席活動時被問及會否接受道歉，她說：「唔使Say Sorry咁嚴重，好小事啫！」在旁的高鈞賢為搞氣氛，向緋聞女友葉翠翠求婚，並表示不介意情侶檔出活動。