嘉桓硬食師傅一巴鬧死蠢

愛「女」深切的冼國林，在記者會上透露曾就抽水事件向陳嘉桓問話，並質問她為何多次與陳浩民及馬德鐘出入夜店，令人乘虛而入，但她答不出來。問到嘉桓「口供」的可信程度？冼師傅說：「我有逐張相問佢！」他又指已苦勸嘉桓要懂得保持距離，講至激動時更忍不住向她動手：「我『星』咗佢一巴！仲話佢死蠢！我緊張佢、錫佢先咁做，依家仲未向佢道歉。」

對於近日種種傳聞，冼師傅強調沒有收到任何「收聲令」，又勸傳媒不要再炒作嘉桓介入洪天明與周家蔚戀情。他還透露曾收到被指護花不力的洪天明短訊道歉：「佢係我世姪，佢冇保護嘉桓，明知佢（陳浩民）個底係咁都冇提醒佢（嘉桓）。（天明）為佢父親同自己着想，都要遠離豬朋狗友。」

據知，嘉桓在港舉行記者會後曾向友人訴苦，指陳浩民留言要「帶眼識人」，這句話令她傷害很深，事件亦令她失眠！對於被質疑何解當日連蒲三場，她坦言全因當時肚餓而並非爛玩，亦因太驚關係而未有使出功夫來自衞，但當時真的很想打人！