Joey大膽摸軒仔

容祖兒及張敬軒（軒仔）前晚一同出席錄影活動，軒仔受訪時指出外工作時，不少人都愛撩明星，在旁的Joey即時摸他又揼骨，笑言沒有人當她是女仔！

容祖兒（Joey）、張敬軒、泳兒、糖妹及劉子千等前晚在九展錄影節目，楊受成夫婦捧場，軒仔表示除了演繹自己歌曲之外，還與劉家昌老師合唱。他坦言第一次跟「嚴師」合唱有點驚，但對方反而叫他放鬆，更叫他要唱得比自己大聲。問到在內地工作時有否試過「出事」時，軒仔笑說：「冇喎！可能我姿色一般，遇唔到「盟」鼻菩薩，男藝人好少遇到咁嘅事，但都有人鍾意撩明星，都畀人撩過但冇畀人強暴！」

君子之交唔狼吻

當軒仔說到男藝人少人摸時，貪玩的Joey即走上前摸他，更笑說：「冇人摸男Artist等我嚟！等我挑逗佢，反正我同男人冇分別，呢行啲男仔都冇當我係女仔，當住我面講鹹濕嘢！表表者就係張敬軒。」她又透露與軒仔有傾電話，讚對方是好好的聆聽者，問到會否摸對方時，她說：「君子之交，有時熱情啲咪翹吓手，唔會狼吻同摸，亦唔會伸手入衫，佢瘦得滯，我鍾意大隻！（同何韻詩係咪玩得斯文？）又講佢，唔講呢啲，唔同你玩喇。」問到與男仔玩的底線，她表示如果對方來勢洶洶會即時奔跑。

此外，軒仔指早前曾與陳嘉桓合作拍電影，有一齊吃飯但她沒有飲酒，又指冼國林師傅對她及杜宇航管得嚴格，問到會否戥她慘時，軒仔說：「大家食飯出發點唔係咁！酒精累事，藝人都要戒酒同毒品，我飲酒有分寸。」